LG Electronics компаниясининг LG G5 смартфони Ўзбекистонда сотила бошлади, деб ёзади «Mobinfo.uz». G5 флагман смартфони модулли конструкцияси, шунингдек, Always on функцияли дисплейи ва металл корпуси билан ажралиб туради.
G5 5,3 дюймли ва 2560×1440 пикселли дисплей, тўрт ядроли Snapdragon 820 процессори, 4 Гб тезкор ва 32 Гб ички хотира, 8 мегапикселли олд ҳамда 16 ва 8 мегапикселли асосий — жами учта камера билан жиҳозланган.
G5 батареясининг сиғими 2800 мА/соатга тенг. Телефонда, шунингдек, бармоқ изи сканери ва Qualcomm Quick Charge 3.0 тезкор қувват олиш функцияси мавжуд.
Тошкентдаги «Флешка» савдо мажмуасида LG G5 смартфони 3 миллион сўм атрофида сотилмоқда.
Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.
Изоҳ (0)