Google’ни ўз ичига олган Alphabet компанияси ижрочи директори Эрик Шмидт фойдаланувчиларга кабелли интернетдан арзонроққа тушадиган симсиз тезкор интернет технологияси ишлаб чиқилаётганини маълум қилди, деб ёзади «РБК». Бу ҳақда Шмидт акциядорларнинг йиллик йиғилишида айтиб ўтди.
Янги технологиялар сигнални сониясига 1 гигабитгача тезликда узатишни таъминлай олади. Янада мукаммал микропроцессорлар ва янада аниқ радиосигналлар симсиз интернетни кабелдан кўра арзонроқ қилди, деди Шмидт.
Янги технологияларга асосланган, намойиш учун мўлжалланган тармоқни Канзас-Ситида 2017 йилда ишга тушириш режалаштирилмоқда. Шу билан бирга, компанияда бир нечта симсиз технологиялар синовдан ўтказилмоқда, улар сигнал қабул қилиш учун фойдаланувчилардан ўз уйларига алоҳида қурилмалар ўрнатишни талаб қилиши мумкин.
Изоҳ (0)