Июнь ойидан Facebook ижтимоий тармоғида манзили «Қрим» деб кўрсатилган реклама аккаунтлари учун тўловларни амалга ошириш имконияти ўчириб қўйилди, деб ёзади «Ведомости» ижтимоий тармоқ фойдаланувчиларига таяниб.
«Биз сизнинг аккаунтингиз учун тўловларни амалга ошириш имкониятини ўчириб қўйдик, чунки сиз ушбу функция қўллаб-қувватланмайдиган ҳудудда жойлашгансиз. Агар бу сизга ноқулайликлар келтираётган бўлса, узр сўраймиз», — дея жавоб беради Facebook кўмак хизмати қримликларнинг сўровларига.
Нашр таъкидлашича, АҚШ Қримда 2014 йил мартда ўтказилган ярим оролнинг мақоми ҳақидаги маҳаллий референдум натижаларини тан олмаслигини билдириб келади.
Изоҳ (0)