Афғонистон мудофаа вазирлиги 20-дивизияси вакили 11 июнь, шанба куни жангарилар томонидан мамлакат шимоли-шарқидаги Қундуз—Хонобод трассасида жангарилар томонидан йўловчиларни гаровга олиш ҳаракатига чек қўйилганини маълум қилди. Бу ҳақда «Интерфакс» хабар бермоқда.
«Жаргузар аҳоли пункти ҳудудида жангарилар Қундуз—Хонобод автотрассаси йўловчиларини гаровга олиб, уларни бориш қийин бўлган манзилларга олиб кетмоқчи бўлди. Бироқ уларнинг мақсади амалга ошмади, операция чоғида йўловчилар озод қилинди. Ҳозирда мазкур ҳудудда жанговар тўқнашувлар давом этмоқда. Миллий армия бўлинмалари Тепаи Жаргузардаги жангарилар марказини назоратига олди. Яқин атрофдаги қишлоқларни жангарилардан тозалаш давом этмоқда», — маълум қилди дивизия вакили.
Йўловчиларни озод қилиш бўйича операция давомида 15 нафар жангари ҳибсга олинди, уч нафарига жароҳат етказилди. Қундуз вилояти полицияси бошлиғи Қосим Жангалбоғга кўра, автотрассанинг энг хавфли ҳудудларига полициянинг қўшимча постлари қўйилган.
Изоҳ (0)