9 июнь, пайшанба куни бортида АҚШнинг Intelsat DLA-2 телекоммуникация сунъий йўлдоши бўлган «Протон-М» ташувчи ракетаси Бойқўнғир космодромидан парвоз қилди. Бу ҳақда «Роскосмос» матбуот хизмати маълум қилди, дея хабар беради «РБК».
Дастлаб ракета учирилиши 8 июнга режалаштирилган, бироқ парвоз майдони ерусти электр жиҳозларидаги муаммолар туфайли қолдирилганди.
Intelsat DLA-2 Лотин Америкаси ҳудудида телеэфир ва алоқани таъминлаш учун мўлжалланган бўлиб, оғирлиги тахминан 6,4 тоннага тенг. Унинг орбитага чиқарилиши ва «Бриз-М» қурилмасидан ажралиши 10 июнга режалаштирилган.
Изоҳ (0)