9-iyun, payshanba kuni bortida AQShning Intelsat DLA-2 telekommunikatsiya sun’iy yo‘ldoshi bo‘lgan “Proton-M” tashuvchi raketasi Boyqo‘ng‘ir kosmodromidan parvoz qildi. Bu haqda “Roskosmos” matbuot xizmati ma’lum qildi, deya xabar beradi “RBK”.
Dastlab raketa uchirilishi 8-iyunga rejalashtirilgan, biroq parvoz maydoni yerusti elektr jihozlaridagi muammolar tufayli qoldirilgandi.
Intelsat DLA-2 Lotin Amerikasi hududida teleefir va aloqani ta’minlash uchun mo‘ljallangan bo‘lib, og‘irligi taxminan 6,4 tonnaga teng. Uning orbitaga chiqarilishi va “Briz-M” qurilmasidan ajralishi 10-iyunga rejalashtirilgan.
Izoh (0)