Таниқли актёр Алишер Узоқов UzReport TV телеканалида футбол бўйича 2016 йилги Европа чемпионатини шарҳлаши маълум бўлди. Бу ҳақда My Day хабар бермоқда.
Алишер Узоқов, санъатдан ташқари, футбол соҳасида ҳам ўзини синаб кўрган ва ҳозирга қадар ушбу спорт турининг ишқибозидир. У «Арсенал» жамоаси мухлиси ҳисобланади.
ЕЧ–2016 ўйинлари 10 июндан 10 июлгача Францияда бўлиб ўтади. Чемпионат ўйинлари UzReport TV телеканали орқали тўғридан-тўғри трансляция қилинади. Ушбу телеканал ЕЧ–2016 ўйинларини Ўзбекистон ҳудудида трансляция қилиш бўйича лицензион ҳуқуқнинг ягона эгасидир.
Изоҳ (0)