Афсонавий боксчи Муҳаммад Алининг оиласи унинг ўлимидан сўнг миясини илмий тадқиқотлар, жумладан, Паркинсон касаллиги ҳақидаги билимларни чуқурлаштириш учун бериш ниятида бўлмаган. Бу ҳақда спортчини назорат қилган шифокор Эйб Либерман айтиб ўтди, деб ёзади «ТАСС».
Либерман Финиксдаги Неврология институтида ишлайди. 1984 йилда у Алининг мия нейронлари ва марказий асаб тизимининг бошқа бўлимларида ривожланаётган емирилишни аниқлаган.
«Аслида, йўқ, бундай ғоя кўриб чиқилмаган», — деди шифокор.
32 йил давомида Паркинсон касаллигидан азоб чеккан Али 3 июнь куни 74 ёшида вафот этди. Боксчи оиласининг вакили Боб Ганнел маълум қилишича, ўлим, аниқланмаган, бироқ табиий сабабга кўра содир бўлган септик шок натижасида юз берган.
Изоҳ (0)