Оғир вазнда собиқ мутлақ жаҳон чемпиони Леннокс Льюис ва Голливуд актёри Уилл Смит боксчи Муҳаммад Алининг дафн маросимида қатнашади, деб ёзади «Корреспондент.net». Улар боксчининг қариндошлари билан баравар унинг тобутини кўтариб боради.
The Guardian хабар топишича, 2010 йилда Али ўз дафн маросими режасини тузиб қўйган. Мотам маросимининг сценарийсини у тахминан 5 сантиметр қалинликдаги «Китоб»га ёзиб қўйган.
Унинг истагига кўра, жаноза стадионда бўлиб ўтиши керак, у ерга боксчи билан видолашиш учун ҳар ким келиши мумкин. Тобут эса Али шарафига номланган кўчадан, шунингдек, спортчи номидаги музей ёнидан олиб ўтилиши керак.
Бундан ташқари, боксчи унинг жасади ўзи туғилиб-ўсган маҳалладан ҳам олиб ўтилишини васият қилган.
Эслатиб ўтамиз, Муҳаммад Али 3 июнь куни 74 ёшида АҚШнинг Аризона штати Финикс шаҳридаги касалхоналардан бирида вафот этди. Боксчининг дафн маросими 10 июнь, жума куни Кентукки штати Луисвилл шаҳрида ўтказилади. Маросимда Туркия президенти Ражаб Тоййиб Эрдўғон, Америка собиқ президенти Билл Клинтон, шунингдек, актёр Билли Кристал қатнашади.
Изоҳ (0)