Қирғизистон ИИВ Қозоғистоннинг Ақтўбе шаҳридаги воқеалар муносабати билан мамлакат ички ишлар идораларини кучайтирилган жанговар тайёргарлик тартибига ўтказди. Бу ҳақда вазирлик матбуот хизмати маълум қилди, дея хабар беради «ТАСС».
«Қозоғистон Республикасининг Актюбинск вилояти ҳудудида ҳарбий ва қўриқланадиган объектларга қуролли ҳужум уюштиришда намоён бўлган, кишилар ҳалок бўлиши ва жароҳатланишига олиб келган террорчи ва экстремистик ташкилотлар фаоллашуви муносабати билан ‘Қирғизистон Республикасида жамоат тартиби ва хавфсизлик, ўта муҳим объектлар қўриқланишини таъминлаш бўйича кечиктириб бўлмас чоралар ҳақида’ги қарор қабул қилинди. Унга кўра, 2016 йил 6 июндан бошлаб республика ички ишлар идораларининг барча шахсий таркиби кучайтирилган жанговар тайёргарлик тартибига ўтказилади», — дейилади матбуот хизмати хабарида.
Қирғизистон ИИВга кўра, мазкур чоралар 7 июнь, сешанба куни мамлакат пойтахти Бишкекда МДҲ ҳукумат раҳбарлари йиғилиши ўтказилиши билан ҳам изоҳланади.
Изоҳ (0)