Афғонистон шимолидаги Сарипул провинцияси губернатори Муҳаммад Зоҳир Ваҳдот маҳаллий ОАВларга «Толибон» ҳаракати экстремистлари муқаддас Рамазон ойини қон тўкиш билан бошлаганини маълум қилди, деб ёзади «Интерфакс».
Унинг сўзларига кўра, 6 июнь, душанба куни эрталаб жангарилар Сангчорак уездидаги Лангар қишлоғида пистирма ташкил қилиб, ушбу уезднинг хавфсизлик бўлинмаси раҳбари Шарофатил Хон, унинг ўринбосари, уч ҳарбий хизматчи, ҳамроҳ офицерлар, шунингдек, оқсоқол Ғулом Раҳмон Хонни отиб ташлади. Ҳарбий хизматчилар ва оқсоқол қишлоқлардан биридаги маъракадан қайтаётган бўлган.
Изоҳ (0)