Техасда кучли ёғингарчилик оқибатида келиб чиққан тошқинлар 16 кишини ҳаётдан олиб кетди, деб хабар бермоқда «ТАСС».
Жала туфайли Бразос дарёси сатҳининг кўтарилиши юзлаб уйларни сув остида қолдирди, учта қамоқхонадан тўрт мингдан ортиқ маҳбус эвакуация қилинди. Даллас ва Хьюстон аэропортларида об-ҳаво шароитлари туфайли 160 дан ортиқ рейс бекор қилинди.
Илгарироқ тошқин туфайли юк машинасининг чўкиб кетиши оқибатида тўққиз ҳарбий ҳалок бўлгани маълум қилинган эди. Дастлаб фожиа ерида беш хизматчининг жасади топилди. Кейинчалик қутқарувчилар яна тўрт қурбоннинг танасини аниқлади.
Изоҳ (0)