Texasda kuchli yog‘ingarchilik oqibatida kelib chiqqan toshqinlar 16 kishini hayotdan olib ketdi, deb xabar bermoqda “TASS”.
Jala tufayli Brazos daryosi sathining ko‘tarilishi yuzlab uylarni suv ostida qoldirdi, uchta qamoqxonadan to‘rt mingdan ortiq mahbus evakuatsiya qilindi. Dallas va Xyuston aeroportlarida ob-havo sharoitlari tufayli 160 dan ortiq reys bekor qilindi.
Ilgariroq toshqin tufayli yuk mashinasining cho‘kib ketishi oqibatida to‘qqiz harbiy halok bo‘lgani ma’lum qilingan edi. Dastlab fojia yerida besh xizmatchining jasadi topildi. Keyinchalik qutqaruvchilar yana to‘rt qurbonning tanasini aniqladi.
Izoh (0)