31 май куни австриялик фокусчилар Томми Тен ва Амели ван Тасс America’s got talent шоусида қатнашиб, «ғойибдан хабар ола билиш» истеъдодини намоён этди ҳамда ҳакамлар ва томошабинларни ҳайратда қолдирди, деб ёзади TJournal.
Тен ва Ван Тасснинг энг машҳур томошаси ушбу жуфтлик олдиндан кўра билиш қобилиятига эга эканлиги иллюзиясига асосланган. Одатда қизнинг кўзини боғлашади, шундан сўнг унинг шериги томошабинлар олдига тушиб, улардан турли буюмларни ола бошлайди, Амели эса уларни батафсил тасвирлаб беради ва, ҳатто, улардаги майда ёзувларни, жумладан маҳсулот муддати ёки серия рақамини ҳам «ўқиб беради».
Ван Тасс ва Тен ушбу томошани бутун дунё бўйлаб бир неча марта турли шароитларда — саҳнада, радиостанцияларда ва телевидениеда такрорлаган. Уларнинг «ижоди» билан тўқнаш келганлардан ҳеч бири олдиндан келишув бўлгани ҳақида айтмаган.
Қизнинг ўзи эса Томми қўлига олган буюмларни «кўриши»ни, уларнинг ҳарорати, шакли, ранги ва бошқа хусусиятларини ҳис қилишини таъкидлайди. Агар алоқа етарлича кучли бўлса, уларга туширилган матнларни ҳам ўқий бошлаши мумкин.
Изоҳ (0)