Ягона интерактив давлат хизматлари порталида Ўзбекистон Автомобиль ва дарё транспорти агентлиги бошлиғининг «Сиқилган табиий газ, суюлтирилган нефть гази ёки дизель ва газсимон ёнилғи аралашмасида юрадиган автотранспорт воситаларининг техник хавфсизлиги ва ёнғинга қарши ҳимояси бўйича кўрсатмаларни тасдиқлаш тўғрисида»ги буйруғининг лойиҳаси муҳокама қилинмоқда, деб ёзади «Review.uz».
Ҳужжатда, хусусан, газ-баллон ускунаси ўрнатилган автомобилларга «Диққат газ» танитувчи белгисини қўйиш таклиф қилинган.
Металл газ-баллоннинг хизмат муддати ишлаб чиқарувчи завод томонидан белгиланади, аммо у:
- СТГ (сиқилган табиий газ) баллонлари учун — 15 йил ёки 15 минг марта ёқилғи қуйиш циклидан;
- СНГ (суюлтирилган нефть гази) баллонлари учун — 15 йилдан ошмаслиги керак.
Автотранспорт воситаларига ўрнатилган газ-баллонларнинг барчаси вақти-вақти билан техник кўрикдан ўтказилади. Чунончи,
- СТГ баллонлари — ҳар 3 йилда 1 марта;
- СНГ баллонлари — ҳар 2 йилда 1 марта текширувдан ўтказилади.
Изоҳ (0)