Тошкентнинг Себзор кўпригида 24 май, сешанба куни деярли бир вақтда учта йўл-транспорт ҳодисаси юз бериб, уларда камида 13 автомобиль иштирок этди. Ҳодиса видеоси Facebook’даги «Водители Ташкента (Drivers.uz)» гуруҳида эълон қилинган.
Тўқнашувларнинг бари Себзор даҳасидан Ҳадра майдони йўналиши бўйлаб юз берган. Дастлабки ЙТҲ натижасида Cobalt, Spark, Lacetti ва катта эҳтимол Epica автомобиллари олдинма-кетин тўқнашган.
Улардан кўп юрмай, иккита Spark, иккита Nexia, биттадан Matiz ва Epica иштирокидаги ЙТҲга гувоҳ бўлиш мумкин. Учинчи авария натижасида иккита Spark ва битта Cobalt кетма-кет тўқнашув содир этган.
Ижтимоий тармоқ фойдаланувчиларининг қайд этишича, мазкур йўл-транспорт ҳодисалари ҳайдовчилар томонидан автомобиллар ўртасидаги оралиқ масофани сақламаслик оқибатида юз берган.
Изоҳ (0)