«Толибон» вакили ҳаракат етакчиси мулла Мансурнинг ўлимини тасдиқлади

«Толибон» вакили радикал ҳаракат етакчиси мулла Ахтар Мансур АҚШ учувчисиз учар қурилмаси берган зарба натижасида йўқ қилинганини тасдиқлади, деб ёзади «РИА Новости» Reuters’га таяниб.

«Толибон» ҳаракати етакчиси Ахтар Мансур 21 май куни кечки пайт Покистоннинг Афғонистон билан чегарасидаги Белужистон вилоятида АҚШ дрони зарбаси туфайли ўлдирилгани хабар берилди. Кейинроқ АҚШ президенти Барак Обама «Толибон» террорчилик ҳаракати етакчиси мулла Ахтар Мансур Америка авиазарбаси натижасида йўқ қилинганини тасдиқлади.

Покистон эса АҚШ учувчисиз қурилмаси мамлакатда яширинган «Толибон» етакчисига зарба берганини «суверенитетнинг бузилиши» деб баҳолади.