Қуёш батареяларида ишлайдиган Solar Impulse 2 самолётининг 24 майга мўлжалланган, Американинг Огайо штатидан Пенсильвания штатига парвози юзага келган техник носозлик туфайли қолдирилди, деб ёзади «ТАСС» Solarimpulse лойиҳаси расмий сайтига таяниб.
Огайонинг Дейтон шаҳридан Пенсильваниянинг Лихай-Вэлли шаҳрига парвоз шишириладиган кўчма ангарни ҳаво билан тўлдириш тизими ишламай қолгани туфайли бошқа пайтга кўчирилди. Яқин бир неча кун ичида пухта текширув олиб борилиши таъкидланди.
Solar Impulse 2 ўтган йил 9 март куни саёҳатини Абу-Дабида бошлаганди. Ҳаво кемаси ҳозиргача Уммон (Маскат), Ҳиндистон (Варанаси), Мьянма (Мандалай), Хитой (Чунцин ва Нанкин) ҳамда Японияда (Нагоя) бўлиб улгурди. 2015 йил ёзида самолёт 120 соатдан ошиқ парвоз қилиб, энг узоқ тўхтовсиз ҳавода учиш бўйича рекорд ўрнатганди.
Изоҳ (0)