АҚШ президентлигига Демократлар партиясидан номзодлик учун курашда етакчилик қилаётган Ҳиллари Клинтон рақиби Берни Сандерс билан Fox News телеканалида баҳс олиб боришдан бош тортди. Бу ҳақда Клинтон сайловолди кампанияси матбуот хабарномасида маълум қилинди, деб хабар беради»РБК».
«Биз Ҳиллари Клинтон вақтини июнь бошида праймериз бўлиб ўтадиган Калифорнияда тарғибот ва сайловчилар билан учрашувларга қаратиши лозим, деб ҳисоблаймиз. Шунингдек, у умумий сайлов кампаниясига ҳозирлик кўриши зарур, бу Оқ уй демократлар қўлида қолишини кафолатлайди», — дейилади матбуот хабарномасида.
Fox News дастурида иштирок этишга рози бўлган Сандерс Клинтоннинг қароридан ҳафсаласи пир бўлгани, бироқ ажабланмаганини билдирди. У ҳозирда 1536 делегатнинг овозига эга (жами 2382 овоз талаб этилади). Клинтон эса 2293 овоз тўплаб, ундан етиб бўлмайдиган даражада ўзиб кетди.
Изоҳ (0)