Тожикистон президенти Эмомали Раҳмон Россия ички ишлар вазири Владимир Колокольцев билан Душанбедаги учрашуви чоғида тожик меҳнат муҳожирлари ўртасида ўлим ва жароҳатланиш ҳолатларига олиб келган Москванинг Хованский қабристонидаги оммавий муштлашувдан ташвиш билдирди. Бу ҳақда «Коммерсантъ» хабар бермоқда.
Бунга жавобан вазир қабристондаги оммавий муштлашув ташкилотчилари ва иштирокчилари, миллати ва яшаш жойига қарамай, жавобгарликка тортилишини маълум қилди.
«Тожикистон президентини барча тергов жараёнлари шахсий назоратимда эканлигига ишонтирдим. Ҳеч бир қонунбузар, қайси минтақа ёки давлатдан бўлишидан қатъий назар, жавобгарликдан қочиб қутулмайди, қилмишига яраша жазосини олади», — деб таъкидлади Колокольцев.
Изоҳ (0)