Тошкентнинг «Локомотив» футбол клуби Осиё Чемпионлар Лигаси нимчорак финалида Саудия Арабистонининг «Ал-Ҳилол» клубини икки ўйин натижасига кўра мағлуб этиб, мусобақа чорак финалига йўл олди. 24 май, сешанба куни Тошкентдаги «Бунёдкор» стадионида бўлиб ўтган «Локомотив» — «Ал-Ҳилол» учрашувидан «Дарё» матнли онлайн уюштирди.
Бир ҳафта аввал Саудия Арабистонида бўлган «Ал-Ҳилол» — «Локомотив» учрашувида ҳисоб очилмаган эди. Тошкентдаги учрашувда эса ҳимоячилар Ислом Тўхтахўжаев ва Шерзод Файзиев томонидан киритилган голлар «Локомотив»га 2:1 ҳисобида ғалаба келтирди. Саудияликларнинг ягона голи 89-дақиқада пенальтидан урилди, унга Муҳаммад ал-Шалҳуб муаллифлик қилди.
«Локомотив» ўз тарихида илк бор ОЧЛ чорак финалига йўл олди. Жамоа айнан 2016 йилги мавсумда ОЧЛ гуруҳ босқичини биринчи марта муваффақиятли якунлаб, нимчорак финалга чиқишга муваффақ бўлган эди. «Локомотив»нинг чорак финалдаги рақиби қуръа натижасида аниқланади. 23—24 август ва 13—14 сентябрь кунлари бўлиб ўтади.Осиё Чемпионлар Лигаси—2016 Нимчорак финал, жавоб учрашуви 24 май, сешанба
«ЛОКОМОТИВ» (Ўзбекистон) — «АЛ-ҲИЛОЛ» (Саудия Арабистони) 2:1 (1:0)
Голлар: Ислом Тўхтахўжаев (26), Шерзод Файзиев (55) — Муҳаммад ал-Шалҳуб (89-пенальти).Огоҳлантиришлар: Икром Алибоев (32), Санжар Шоаҳмедов (54) — Наваф ал-Обид (22), Салмон ал-Фараж (52), Муҳаммад Жаҳфалий (74), Ёсир ал-Шаҳроний (90+2).«ЛОКОМОТИВ»: Игнатий Нестеров, Шерзод Файзиев, Кахи Махарадзе, Ислом Тўхтахўжаев, Салим Мустафоев, Темур Кападзе, Икром Алибоев (Марат Бикмаев, 70), Олег Зотеев (Сардор Мирзаев, 76), Санжар Шоаҳмедов (Сергей Прохоров, 85), Сервер Жепаров, Темурхўжа Абдухолиқов.
«АЛ-ҲИЛОЛ»: Фаҳад аз-Зунайян, Абдуллоҳ аз-Зорий (Холид ал-Каъбий, 74), Дигао, Муҳаммад Жаҳфалий, Ёсир ал-Шаҳроний, Салмон ал-Фараж, Сауд Каририй, Наваф ал-Обид (Муҳамма ал-Шалҳуб, 46), Карлос Эдуардо (Ёсир ал-Қаҳтоний, 80), Салим ад-Доусарий, Аилтон.
Бош ҳакам: Бенжамин Уильямс (Австралия).
Изоҳ (0)