Россия президентининг матбуот котиби Дмитрий Песков Черногориянинг НАТОга қабул қилиниши бўйича баённоманинг Брюсселдаги йиғилишда маъқулланиши билан боғлиқ хабарларга изоҳ бериб ўтди, деб маълум қилмоқда «РБК».
«Умуман олганда, НАТОнинг давом этаётган экспансияси манфий белгили жараёндир. Бу жараён қитъада кескинликнинг янада ортишига олиб келиши мумкин», — деди Песков.
Черногориянинг НАТОга қабул қилиниши ҳақидаги ҳужжатнинг имзолангани кеча, 19 май куни маълум бўлди. НАТО матбуот котиби Оана Лунгескунинг сўзларига қараганда, эндиликда Черногория альянс учрашувларида таклиф қилинган иштирокчи сифатида қатнашади. Ташкилотнинг барча 28 аъзоси баённомани имзолаганидан сўнг у альянснинг тўлақонли аъзосига айланади.
Изоҳ (0)