19 май, пайшанба куни Ҳиндистоннинг Рожастон штати, Пхалоди шаҳрида ҳаво ҳарорати +51 даражага етди ва янги миллий рекорд қайд этилди. Бу эса мамлакат метеорологик кузатувлар тарихида бундай иссиқ ҳарорат кузатилмаганини англатади, дея хабар беради «Meteonovosti.ru»
Олдинги рекорд кўрсаткич +50,6 даража бўлиб, икки бор — 1886 йил 25 майда Пачпадра аҳоли пункти ва 1956 йил 10 майда Алвар шаҳрида қайд этилганди.
Нафақат Ҳиндистон, балки қўшни Покистонда ҳам ҳаддан зиёд жазирама ҳукм сурмоқда. Куни кеча бу ерда об-ҳаво 51,5 даража иссиқ бўлган, ваҳоланки май ойида одатий ҳарорат 40—44 даража иссиқликни ташкил этарди. Агар жазирама шу тариқа давом эца, Покистоннинг миллий рекорди ҳам (+53,5 даража) янгиланиши тахмин қилинмоқда.
Изоҳ (0)