Бир муддат аввал Шоҳрух рэпер 2,5 йил аввал оила қургани, Ислом исмли бир яшар ўғли ҳам борлиги ҳақида хабарлар, хусусан, хонанданинг интервьюлари чиққанди. 12 май куни эса ҳамма ҳайратда қолди: «Яккасарой» тўйхонасида Шоҳрух рэпернинг никоҳ тўйи бўлиб ўтди.
Аксарият одамлар учун ноодатий ҳисобланган мазкур ҳолат юзасидан журналист Феруз Муҳаммад рэпердан интервью олди.
— Аввалги интервьюмизда «бироз аввалроқ кичикроқ тўй қилиб уйланган экансиз, яқин вақтда эса катта тўйни ўтказмоқчи экансиз, шундай гап-сўзлар бор», деб савол берганимда, жавоб беришни хоҳламаган эдингиз. Орадан икки ой ўтар-ўтмас санъат аҳли, дўстларингиз даврасида тўйингиз бўлиб ўтди. Ўшандаги мавҳумликнинг сабаби нима?— Гапларингиз тўғри, мен шахсий ҳаётимни овоза қилмаслик учун максимал даражада ҳаракат қилган эдим. Бу янгилик яқинларим ва дўстларим учун сюрприз бўлишини хоҳлагандим.
— Ижтимоий тармоқлардаги саҳифаларингизда: «Бундан 2,5 йил аввал шаърий ва қонуний никоҳдан ўтиб, байрам қилиб оила қурганман», деб ёзибсиз. Катта тўй қилиш режаси 2,5 йил аввал ҳам бормиди?— Албатта, ҳар кимда бўлганидек, мен ҳам тўй қилишни орзу қилганман. Лекин баъзи бир сабабларга кўра тантананинг санасини чўзишга мажбур бўлдим. Вақти келганда эса режамни амалга оширдим.
— Кўпчилик одатда бундай ҳолатга — аввал никоҳдан ўтамиз, тўй эса кейинроқ бўлади, деган гапга рози бўлмайди. Турмуш ўртоғингиз, унинг оиласи бу таклифга қаршилик қилмаганми?— Қаршилик бўлиши ҳам мумкин эмас, чунки бошқа иложи йўқ эди. Мен берган таклиф энг тўғри таклиф бўлган.
— Балки энди оилангиз ҳақида мухлисларингизга аниқроқ маълумот бериш вақти келгандир?— Ҳамма нарсанинг ўз вақти-соати бор.
— Хонанда Шаҳзоданинг сўнгги концертида унинг бошқа дуэтдошларидан кўра Сиз билан айтган қўшиғини мухлислар жуда катта қизиқиш, олқишлар билан кутиб олди. Ўзингиз қачон концерт бермоқчисиз?— Буни ҳам аниқ айта олмайман. Ўйлашимча, энг яхши нарса ҳар доим сир бўлиб, сюрпризга айланиши керак.
Изоҳ (0)