21 апрелда оламдан ўтган қўшиқчи Принснинг эксклюзив шаклдаги электр гитараси кимошди савдосига қўйилди, у 24 июнь куни Лос-Анжелесда бўлиб ўтади, деб ёзади «ТАСС».
Heritage Auctions аукцион уйи маълум қилишича, ёрқин тилларангдаги мусиқий асбоб нархи 30 минг доллар деб белгиланган.
Ушбу гитара 1980—1990 йилларда Принс учун буюртма бўйича ясалган еттита гитарадан биттаси бўлиб, унда хонанда Cream ва Get Off каби машҳур қўшиқларини ижро этган.
Раритет медиаторлар тўплами ҳамда буюртма бўйича тайёрланган қора ғилоф билан бирга сотилади. Яна бир намуна эса Вашингтондаги Америка тарихи музейида сақланади.
Изоҳ (0)