«Евровидение» қўшиқлар танловида Украина номидан қатнашган хонанда Жамала биринчи ўринни эгаллади, дея хабар бермоқда «РБК». У профессионал ҳакамлар ҳайъати ҳамда томошабинлар берган овозлардан сўнг максимал баллга эга бўлди.
Бу йил танлов иштирокчиларини икки босқичда баҳолашди: аввалига иштирокчи мамлакатларнинг профессионал ҳакамлар ҳайъати вакиллари ўз балларини тақдим этди, сўнг ушбу натижаларга томошабинлар берган овозлар натижаси қўшилди.
Ҳакамлар ҳайъати берган баллдан сўнг Украина Австралиядан кейинги иккинчи ўринни эгаллаб турган бўлса, томошабинлар берган овозлар натижасида биринчи ўринга чиқди. Жамала қрим-татарлар депортациясига бағишланган «1944» номли қўшиғини ижро этди.
Иккинчи ўринни Sound of Silence қўшиғи билан австралиялик Дэми Им банд этди. Россия вакили Сергей Лазарев эса You Are The Only One қўшиғи билан учинчи ўринга лойиқ деб топилди. Ҳакамлар ҳайъати баллари эълон қилингач, Лазарев бешинчи ўринда жойлашди. Томошабинлар берган овозлардан сўнг эса у биринчи ўринга кўтарилди, аммо профессионал ҳакамлар баллари ҳисобга олинганда, учинчи ўринга тушиб қолди.
Изоҳ (0)