АҚШ президенти Барак Обама Хиросима шаҳрининг 1945 йилда атом бомбаси билан кун-паякун қилингани учун Япониядан узр сўрамайди, унинг ушбу мамлакатга амалга ошириши кутилаётган сафарни ҳам кечирим изҳори дея қабул қилмаслик керак. Бу ҳақда АҚШ президентининг миллий хавфсизлик бўйича маслаҳатчиси Сьюзан Райс CNN телеканали эфирида айтиб ўтди.
«Японлар бизлардан бу қарорнинг (яъни бомбалашнинг) тўғри-нотўғрили борасида фикр билдиришни ёки узр сўрашни талаб қилмади», — унинг сўзларини келтиради «Ведомости».
Райс хонимнинг ўзи бу тарихий воқеага баҳо беришдан бош тортди.
Изоҳ (0)