Яман жанубидаги ал-Муқалла шаҳридаги полиция бўлимида террорчи-худкуш портловчи қурилмани ҳаракатга келтириши оқибатида камида 25 нафар янги ишга олинган ходим ҳалок бўлди. Бу ҳақда «ТАСС» хабар бермоқда.
Олдинроқ Reuters портлаш ал-Муқалладаги ҳарбий базада содир бўлганини билдирганди, бироқ кейинчалик гап полиция бўлими ҳақида кетаётгани маълум бўлди.
Эслатиб ўтамиз, Яман ҳукумати кучлари «Ал-Қоида Араб яриморолида» террорчилик гуруҳи томонидан назорат қилинаётган Хадрамаут вилояти маркази ал-Муқалла шаҳрини апрель охирида озод қилганди. Бироқ вилоятнинг катта қисмини ҳозир ҳам жангарилар эгаллаб турибди.
Изоҳ (0)