Испания расмийлари Сесенья ва Вальдеморо муниципалитетлари ўртасидаги камида 100 минг тонна автомобиль шинаси йиғилган ахлатхонадаги кенг кўламли ёнғин туфайли 9 мингга яқин кишини эвакуация қилмоқда. Бу ҳақда TJournal хабар берди.
Расмий маълумотларга кўра, ёнғин оқибатида ҳеч ким жабрланмаган, бироқ алангаланиш жойидан қора токсик тутун кўтарилиб, шамол ёрдамида атрофга тарқалмоқда. Ёнғин келиб чиқиши сабабларига аниқлик киритилмоқда, экспертлар минтақада бир неча кун қаторасига ёмғирли об-ҳаво кузатилгани учун ўт қўйилгани эҳтимолдан холи эмаслигини билдирмоқда.
Ҳодиса жойида ўт ўчирувчилар бригадалари ва вертолётлар ишламоқда, аммо маҳаллий расмийлар вакилларига кўра, ёнғин оқибатларини бартараф этиш бир неча кунга чўзилиши мумкин.
Изоҳ (0)