2016 йил 10 сентябридан 1 октябрига қадар Колумбияда бўлиб ўтадиган футзал бўйича Жаҳон чемпионатига йўл олган барча 24 та жамоанинг номи маълум бўлди, деб хабар бермоқда «Championat.asia».
Улар орасида Ўзбекистон, Вьетнам, Мозамбик, Озарбайжон терма жамоалари ўз тарихида илк бор футзал бўйича Жаҳон чемпионатига чиқди.
Шу йилнинг 19 май куни Колумбиянинг Меделин шаҳрида мусобақанинг финал босқичига қуръа ташланади. Унда Хосе Мария Мендес шогирдлари гуруҳдаги рақибларини билиб олади. Қуйида футзал бўйича Жаҳон чемпионатининг барча иштирокчилари билан танишинг.
Мезбон – Колумбия
Осиё – Эрон, Ўзбекистон, Таиланд, Вьетнам, Австралия.
Жанубий Америка – Аргентина, Бразилия, Парагвай.
Океания – Соломон ороллари.
Африка – Миср, Марокаш, Мозамбик.
Шимолий Америка – Коста-Рика, Куба, Гватемала, Панама.
Европа – Озарбайжон, Италия, Қозоғистон, Португалия, Россия, Испания, Украина.
Маълумот учун, Бразилия терма жамоаси футзал бўйича амалдаги Жаҳон чемпиони ҳисобланади. Бугунги кунга қадар ўтказилган 7 та мундиалнинг 5 тасида Бразилия термаси, қолган 2 тасида Испания термаси ғолиб чиққан.
Осиё жамоалари орасида энг яхши натижани Эрон терма жамоаси қайд этган. Эронликлар 1992 йилги мундиалда тўртинчи ўринни банд этганди.
Изоҳ (0)