Apple Forbes журнали томонидан 2010 йилдан бери эълон қилиб келинадиган дунёнинг энг қиммат брендлари рейтингида кетма-кет олтинчи бор етакчиликни сақлаб қолди. Нашр Apple брендини 154,1 миллиард долларга баҳолади, бу эса рўйхатнинг иккинчи қаторидаги Google бренди баҳосидан 87% ошиқ, дея хабар беради «РБК».
Google бренди қиймати йил мобайнида 65,6 дан 82,5 миллиард долларгача кўтарилди ва бу рейтингда Microsoft (75,2 миллиард доллар) билан ўрин алмашишига имкон берди.
Coca-Cola Forbes рўйхатининг тўртинчи қаторидаги ўрнини сақлаб қолди (58,5 миллиард доллар), бешинчи ўринни эса, IBM’ни сиқиб чиқарган ҳолда, Facebook эгаллади (52,6 миллиард доллар).
Мазкур рейтинг ўнлигидан, шунингдек, Toyota, IBM, Disney, McDonald’s ва GE ҳам ўрин олди.
Изоҳ (0)