Apple Forbes jurnali tomonidan 2010-yildan beri e’lon qilib kelinadigan dunyoning eng qimmat brendlari reytingida ketma-ket oltinchi bor yetakchilikni saqlab qoldi. Nashr Apple brendini 154,1 milliard dollarga baholadi, bu esa ro‘yxatning ikkinchi qatoridagi Google brendi bahosidan 87% oshiq, deya xabar beradi “RBK”.
Google brendi qiymati yil mobaynida 65,6 dan 82,5 milliard dollargacha ko‘tarildi va bu reytingda Microsoft (75,2 milliard dollar) bilan o‘rin almashishiga imkon berdi.
Coca-Cola Forbes ro‘yxatining to‘rtinchi qatoridagi o‘rnini saqlab qoldi (58,5 milliard dollar), beshinchi o‘rinni esa, IBM’ni siqib chiqargan holda, Facebook egalladi (52,6 milliard dollar).
Mazkur reyting o‘nligidan, shuningdek, Toyota, IBM, Disney, McDonald’s va GE ham o‘rin oldi.
Izoh (0)