АҚШ президентлигига номзод, миллиардер Дональд Трамп сайловдан сўнг суд олдида гувоҳлик кўрсатмаларини беради. «РБК»нинг адвокат Дэниел Петроцеллига асосланиб билдиришича, Трамп ва унга тегишли, фаолияти тўхтатилган Trump University олийгоҳи бир гуруҳ даъвогарлар томонидан одамларни алдашда айбланмоқда.
Даъвогарлар университет талабаларидир. Уларнинг фикрича, олийгоҳ кўчмас мулк соҳасида омадга эришиш сирларини ўргатишни ваъда қилган, аммо бу ваъдалар амалга ошмаган. Таъкидланишича, университет талабаларни кўпроқ харид қилишга ундаган, лекин умумий нархи 35 минг долларни ташкил этган дарслар ва семинарлар ваъда қилинган қийматга эга бўлмай, кўпроқ «информершиалс»га (ахборот шаклида сотиладиган реклама) ўхшаган.
Олийгоҳ мутасаддилари, шунингдек, уни битириб чиққанлар ҳар ой ўн минглаб доллар ишлаб топишини ваъда қилган, аслида эса даъвогарларнинг кўпчилиги қарзга ботиб қолган.
Адвокатнинг уқтиришича, Трамп ҳимоянинг гувоҳи сифатида судда иштирок этади. Эшитувлар 28 ноябрга белгиланган, яъни миллиардер президент лавозимида суд қаршисига чиқиши мумкин.
Изоҳ (0)