Saylovdan so‘ng Tramp o‘ziga qarashli universitet ishi yuzasidan sudga ifoda beradi

AQSh prezidentligiga nomzod, milliarder Donald Tramp saylovdan so‘ng sud oldida guvohlik ko‘rsatmalarini beradi. “RBK”ning advokat Deniyel Petrotselliga asoslanib bildirishicha, Tramp va unga tegishli, faoliyati to‘xtatilgan Trump University oliygohi bir guruh da’vogarlar tomonidan odamlarni aldashda ayblanmoqda.

Da’vogarlar universitet talabalaridir. Ularning fikricha, oliygoh ko‘chmas mulk sohasida omadga erishish sirlarini o‘rgatishni va’da qilgan, ammo bu va’dalar amalga oshmagan. Ta’kidlanishicha, universitet talabalarni ko‘proq xarid qilishga undagan, lekin umumiy narxi 35 ming dollarni tashkil etgan darslar va seminarlar va’da qilingan qiymatga ega bo‘lmay, ko‘proq “informershials”ga (axborot shaklida sotiladigan reklama) o‘xshagan.

Oliygoh mutasaddilari, shuningdek, uni bitirib chiqqanlar har oy o‘n minglab dollar ishlab topishini va’da qilgan, aslida esa da’vogarlarning ko‘pchiligi qarzga botib qolgan.

Advokatning uqtirishicha, Tramp himoyaning guvohi sifatida sudda ishtirok etadi. Eshituvlar 28-noyabrga belgilangan, ya’ni milliarder prezident lavozimida sud qarshisiga chiqishi mumkin.