Ироқ Курдистони, Ғарбнинг панд-насиҳатларига қарамай, ўз мустақиллиги ҳақида референдум ўтказмоқчи, деб ёзади «ТАСС». Буни Ироқ Курдистони Миллий хавфсизлик кенгаши раҳбари Масрур Барзаний The Washington Post газетасида чоп этилган муаллифлик мақоласида тасдиқлади.
Унинг нуқтаи назарига кўра, «Ироқ концептуал муваффақиятсизлик ҳисобланади», бу туфайли унинг фуқаролари «умумий жиҳатлари кам бўлган» ва «ноаниқ келажакни баҳам кўриш»га мажбур бўлган кишилардир.
У Ироқ ўз фуқароларини ҳимоя қилишга қодир эмас, деб ҳисоблайди, буни ИШИД террорчилик гуруҳи мамлакатнинг йирик туманларини эгаллаб олгани намоён қилди.
«Мажбурий бирга яшаш иш бермади. Шу туфайли Ироқнинг Курд ҳудуди суверен давлат шакллантириш ҳақида референдум ўтказади», — деб ёзади Барзаний. Аммо у референдум ташкил қилиниши муддатига аниқлик киритмади.
Изоҳ (0)