АҚШда энг кам сотиладиган автомобиллар рўйхати эълон қилинди

Honda Insight гибрид хэтчбеки АҚШда 2015 йили энг кам сотилган автомобиллар рўйхатини бошқарди. Бу ҳақда Motor хабар бермоқда.

24/7 Wall St. нашри экспертлари Kelley Blue Book автомобиль эълонлари сайти томонидан тайёрланган сотувлар статистикаси, шунингдек, ишлаб чиқарувчиларнинг ўзи ҳар ойда тақдим этадиган маълумотларни таҳлил этди. Машиналарни антирейтингга киритиш учун ўтган йили 2014 йилга нисбатан сотув ҳажмининг пасайиши ва автомобиллар омборда туриб қолган кунларнинг ўртача сони асос қилиб олинди.

АҚШда энг оммавийлашмаган машиналар рўйхатидан Cadillac’нинг учта (ELR, ATS, CTS), Honda (Insight, Crosstour), Fiat (500L, 500) ва Hyundai’нинг (Azera, Equus) иккитадан автомобили киритилди.