JV MAN Auto-Uzbekistan қўшма корхонасида яқиндан бошлаб 10 м³ номинал сиғимга эга MAN TGS 41.400 8×4 BB M072 русумли автобетонқориштиргич ишлаб чиқарилиши йўлга қўйилди. Бу ҳақда корхона матбуот хизмати хабар берди.
Бетон аралашмасини гидравлик усулда орқага тўкиб бериш имкониятига эга мазкур автомобиль тайёр бетон қоришмасини кимёвий ва технологик хусусиятларини сақлаган ҳолда истеъмолчиларга етказиб бериш учун мўлжалланган. Махсус транспорт воситасига ўрнатилган айланувчи барабанлар бетон аралашмасини истеъмолчига етказиб бергунча таркиби ўзгармаслигини таъминлашга хизмат қилади.
Автомобиль бақувват ва тежамкор MAN D20 двигатели, замонавий Common Rail ёнилғи узатиш тизими ҳамда 16 босқичли механик узатмалар қутиси билан жиҳозланган. Кучайтирилган рессорли осмалар, барабанли ABS тормоз ва электрон назорат тизимлари махсус юк автомобилининг ҳар қандай шароитда ҳам ишончингизни оқлашига кафолат беради. N3 транспорт воситаси категориясига кирувчи автобетонқориштиргичнинг ғилдираклар формуласи 8×4 кўринишга эга. Махсус юк автомобилининг габарит ўлчамлари: узунлиги 9 350 мм, кенглиги 2 500 мм, юк ортилган ҳолатдаги баландлиги 3 840 мм. Автомобилнинг қайрилиш диаметри 20,5 метрни ташкил этади.
Изоҳ (0)