НАТО Россияга таҳдид деб қарайди, аммо Россия барча мамлакатлар ва бирлашмалар билан яхши муносабатларни шакллантириш ниятида. Бу ҳақда Россия президенти матбуот котиби Дмитрий Песков журналистларга маълум қилди, деб ёзади «ТАСС».
«Ким кимга хавф солишига келсак, бу ерда сўнгги бир неча йиллар давомида НАТОнинг Брюсселдаги бош қароргоҳидан ҳам, унинг раҳбарияти аъзолари томонидан ҳам янграб келаётган, улар айнан Россияни таҳдид деб ҳисоблаши ҳақидаги баёнотларни унутмаслик керак, менимча», — дея таъкидлади у.
Песков эслатишича, Путин кўп бора Россиянинг бутун дунё мамлакатлари билан ўзаро манфаатли, дўстона ва конструктив алоқалар қуриш истагини қайд этган.
Шу тариқа, матбуот котиби АҚШ президенти Барак Обаманинг Путин НАТО ва Евроиттифоқни «Россия ҳукумати учун таҳдид» деб билиши ҳақидаги гапларига изоҳ берди.
Изоҳ (0)