Терговчилар Ереванда 25 апрель, душанба куни кечки пайт рўй берган автобус портлашида теракт аломатларини аниқламади. Бу ҳақда Арманистон Тергов қўмитаси матбуот хизмати маълум қилди, деб хабар беради «Интерфакс».
«Дастлабки терговнинг ҳозирги босқичида теракт версияси бўйича далиллар топилмади. Ҳозирда тергов ва тезкор-қидирув тадбирлари олиб борилмоқда», — дея билдирган матбуот хизмати.
Қўмита маълумотларга кўра, ҳодиса жойида олдин икки бор судланган мамлакат фуқаросига тегишли телефон картаси топилган. Унинг хонадонида ўтказилган тинтув давомида тротил, портловчи қурилмалар, детонатор ва турли электр қурилмалари мусодара этилган. Автобусда ҳам тротил излари аниқлаган.
Изоҳ (0)