АҚШ ИШИДга қарши курашда кўнгиллиларга ёрдам бериш учун Сурияга 250 нафаргача ҳарбий хизматчини жўнатади. Бу ҳақда Meduza хабар бермоқда.
The Wall Street Journal манбаларига кўра, ҳозирда мамлакатда элликка яқин америкалик маслаҳатчи фаолият олиб бормоқда. Шу тариқа, АҚШ контингенти олти баробар ортиши мумкин.
Сурияга жўнатилаётган ҳарбийлар орасида ёрдамчи персоналдан ташқари махсус бўлинма жангчилари ҳам бўлиши кўзда тутилган. Уларга ИШИДга қарши курашга маҳаллий суннийларни ҳам жалб этиш вазифаси қўйилган. Шу пайтга қадар АҚШ Сурияда маҳаллий курд қуролли тузилмалари билан ҳамкорлик қилиб келаётганди.
Эслатиб ўтамиз, олдинроқ АҚШ президенти Барак Обама Сурияга юбориладиган махсус бўлинмалар ИШИД жангарилари билан бевосита тўқнашувларга киришмаслигини маълум қилганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)