КХДР ҳисоб бўйича бешинчи ядро синовига тайёргарликни якунлади. Бу ҳақда Жанубий Корея президенти Пак Кин Хе расмий қароргоҳида ОАВ бош муҳаррирлари билан бўлиб ўтган учрашувда маълум қилди, деб хабар беради «РИА Новости».
«Бешинчи ядро синовига тайёргарлик якунланган. Вазият шундайки, синов исталган пайт амалга оширилиши мумкин. Агар бу рўй бергудек бўлса, КХДР жаҳон ҳамжамияти томонидан янада кучли босимга дуч келади», — деб огоҳлантирди президент.
Жанубий Корея ОАВ манбаларига кўра, синов май ойи бошларида бўлиб ўтадиган Корея Меҳнат партияси съездига бағишлаб амалга оширилиши эҳтимолдан холи эмас.
Изоҳ (0)