Туркия президенти Тоййиб Эрдўғон 1915 йилда Усмонлилар империяси ҳудудида ҳалок бўлган арманларнинг қариндошларига ҳамдардлик изҳор этди, дея хабар бермоқда «Газета.ru» Anadolu агентлигига таяниб.
Эрдўғоннинг мактубини Истанбулда Арманлар апостол черковининг Константинополь патриархи ўринбосари архиепископ Арам Атешян ўқиб эшиттирди.
Президент мактубида айтилишича, Туркия Усмонлилар империясидаги арманлар қайғусини бўлишиб, уларнинг хотирасини қадрлайдиган мамлакатдир.
24 апрелда дунёда Усмонлилар империясидаги арманлар геноциди қурбонлари хотираси қадрланадиган кун нишонланади. Туркиянинг ўзи геноцид фактини рад этади.
Эслатиб ўтамиз, АҚШ президенти Барак Обама 1915 йилда Усмон империяси томонидан арманларнинг оммавий қирғин қилиниши ҳақидаги баёнотида ушбу фожиани геноцид деб аташдан бош тортган эди.
Изоҳ (0)