Озарбайжон Фавқулодда вазиятлар вазирлиги авиация ва денгиз флоти Каспий денгизида ўт кетган Россия танкеридаги алангани ўчирмоқда. Бу ҳақда «Интерфакс» хабар бермоқда.
«Дастлабки маълумотларга кўра, Каспий денгизида, қирғоқдан 110 километр узоқликда Россия Федерацияси байроғи остида сузаётган PALFLOT 2 кемаси ёнмоқда. ФВВ авиация гуруҳи вертолётлари, давлат ёнғинга қарши кураш хизмати кемаси ва яқин орадаги бошқа кемалар ҳодиса жойига жалб этилган», — дея маълум қилган Озарбайжон ФВВ матбуот хизмати.
Эслатиб ўтамиз, олдинроқ танкернинг 18 нафар экипаж аъзоси эвакуация қилингани хабар берилганди.
Изоҳ (0)