Ozarbayjon Favqulodda vaziyatlar vazirligi aviatsiya va dengiz floti Kaspiy dengizida o‘t ketgan Rossiya tankeridagi alangani o‘chirmoqda. Bu haqda “Interfaks” xabar bermoqda.
“Dastlabki ma’lumotlarga ko‘ra, Kaspiy dengizida, qirg‘oqdan 110 kilometr uzoqlikda Rossiya Federatsiyasi bayrog‘i ostida suzayotgan PALFLOT 2 kemasi yonmoqda. FVV aviatsiya guruhi vertolyotlari, davlat yong‘inga qarshi kurash xizmati kemasi va yaqin oradagi boshqa kemalar hodisa joyiga jalb etilgan”, — deya ma’lum qilgan Ozarbayjon FVV matbuot xizmati.
Eslatib o‘tamiz, oldinroq tankerning 18 nafar ekipaj a’zosi evakuatsiya qilingani xabar berilgandi.
Izoh (0)