Франция Глобал иқлим ўзгаришларига қарши кураш бўйича Париж битимини имзолаган биринчи мамлакат бўлди, дея хабар бермоқда «ТАСС». БМТ бош қароргоҳидаги тантанали маросим чоғида ҳужжатни мамлакат президенти Франсуа Олланд имзолади.
Бундан олдин БМТ бош котиби Пан Ги Мун Париж битимини «имзолаш учун очиқ» деб эълон қилди. Ҳужжат БМТ Бош Ассамблеяси трибунаси қаршисидаги подиумга жойланган. Франция битим матни маъқулланган декабрдаги анжуманга мезбонлик қилган мамлакат сифатида подиумга биринчи бўлиб таклиф этилди.
Олланддан сўнг трибунага 15 та мамлакат вакиллари кўтарилди, улар ҳужжатни имзолаш билан бир вақтда унинг ратификацияси ҳақидаги ёрлиқларни топширди. Ҳужжатга яна 171 мамлакат имзо қўйиши кутилмоқда.
Иқлим бўйича Париж битими 2015 йил 12 декабрда Париждаги анжуман якунларига кўра қабул қилинган эди. Форумнинг 195 иштирокчиси 2100 йилгача сайёрадаги ўртача ҳароратни саноатгача бўлган даврдагига нисбатан Цельсий бўйича 2 даражадан кўпроқ ошишига йўл қўймасликка келишиб олган эди.
Изоҳ (0)