АҚШнинг Жоржия штати, Огаста шаҳри яқинида рўй берган отишмада 5 киши ҳалок бўлди. Бу ҳақда «РБК» хабар бермоқда.
Маҳаллий полиция капитани Энди Шед WRDW телекомпаниясига берган маълумотларга кўра, тўрт киши воқеа жойида ўлган, яна бир киши касалхонага етказилган ва у ерда оламдан ўтган. Уларнинг шахси хозирча аниқланмаган. Гап бир-бирига боғлиқ икки ҳодиса ҳақида кетаётганлиги тахмин қилинмоқда.
Ҳуқуқ-тартибот идоралари ҳужумни уюштирган шахсни қидиришга киришди.
Изоҳ (0)