21 апрель, пайшанба куни Тошкент вақти билан соат 11:12 Brent маркасидаги нефть нархи бир баррели учун 46,13 доллардан савдо қилинди. Бу 2015 йилнинг 26 ноябридан бери энг юқори кўрсаткичдир. Ўшанда Лондон биржасида Brent маркасидаги нефтнинг бир баррели 46,32 доллардан сотилганди. Бу ҳақда «РБК» хабар бермоқда.
Reuters агентлигига таяниб, «РБК»нинг ёзишича, нефть нархининг кўтарилиши АҚШдаги хомашё захираларига оид маълумотлар чоп этилиши (улар кутилганидан кам бўлган) фонида кузатилмоқда. Шунингдек, бунга Кувайтнинг давлат нефть компаниялари ишчи-ходимларининг иш ташлаш ўтказгани ҳам туртки бўлгани билдирилмоқда.
Изоҳ (0)