АҚШ молия вазири Жейкоб Лью махсус брифинг чоғида 10 ва 20 долларли банкнотларда аёллар сурати пайдо бўлишини тасдиқлади. Бу ҳақда «ТАСС» хабар бермоқда.
«100 йиллик муддат мобайнида илк бор 20 долларли купюрада XIX асрда АҚШда қулликка қарши ва ижтимоий ислоҳотлар учун курашган Гарриет Табмен сурати пайдо бўлади», — дея маълум қилган вазир. Ҳозирда мазкур банкнотнинг юз тарафида президент Эндрю Жексон тасвирланган.
Шунингдек, 10 долларли банкнот дизайни ҳам ўзгаради. Унинг орқа томонидан тенг сайлов ҳуқуқлари учун курашган аёллар — Лукрисия Мотт, Сожернер Труз, Сьюзан Энтони, Элизабет Кэди Стантон ва Элис Пол қиёфалари ўрин олади. Купюранинг юз томонида эса аввалгидек АҚШнинг биринчи молия вазири Александр Гамильтон сурати қолади.
Изоҳ (0)