Футбол бўйича Испания Ла Лигасининг 34-турида яна 4 та беллашув якунланди. Турнинг марказий ўйини учун Билбаога ташриф буюрган Мадриднинг «Атлетико» клуби Фернандо Торреснинг ягона голи эвазига муваффақият қозонди.
Мазкур ғалабасидан кейин «Атлетико» очколари сонини 79 тага етказиб, пешқадам «Барселона» билан тенглашиб олди. Учинчи поғонада бораётган «Реал» 75 очко жамғарган.
Сўнгги турда «Камп Ноу»дан ғалаба билан қайтган «Валенсия» муваффақиятли юришини давом эттириб, «Эйбар»ни йирик ҳисобда таслим этди. Бу янги бош мураббий Пако Айестараннинг 4 та ўйиндаги учинчи ғалабаси бўлди.«Севилья» эса 34-турдан кейин Ла Лиганинг 4-ўрнига кўтарила олмаслигини аниқ бўлди. Унаи Эмери шогирдлари Ла Лигадаги иштирок эвазига Европа Чемпионлар Лигаси йўлланмасини қўлга кирита олмайди. Бунинг учун клуб энди фақатгина Европа Лигасида зафар қучиши керак бўлади.
Испания Ла Лигаси 34-тур беллашувлари20 апрель, чоршанба
«Атлетик» — «Атлетико» 0:1
Гол: Фернандо Торрес, 38 (0:1).«Валенсия» — «Эйбар» 4:0
Голлар: Пако Алькасер, 10 (1:0). Пако Алькасер, 28 (2:0). Пако Алькасер, 40 (3:0). Жоау Канселу, 56 (4:0).«Малага» — «Райо Вальекано» 1:1
Гол: Раул Баэна, 62 (0:1). Федерико Рика, 90+1 (1:1).«Спортинг» — «Севилья» 2:1
Голлар: Висенте Иборра, 8 (0:1). Гжегож Криховяк, 22-авт (1:1). Исмоил Лопес, 90+1 (2:1).«Реал Мадрид» — «Вильярреал»
21 апрель, пайшанба«Реал Сосьедад» — «Хетафе»«Гранада» — «Леванте»
Изоҳ (0)