Афғонистонда мамлакат ҳарбий-ҳаво кучлари ва халқаро коалиция самолётлари иштирокидаги ҳаво операцияси чоғида ИШИД гуруҳининг 20 дан ортиқ жангариси йўқ қилинди, дея хабар бермоқда «РИА Новости».
Khaama Press агентлиги маҳаллий ҳукуматга таяниб маълум қилишича, операция 20 апрель, чоршанба куни Нангархар провинциясидаги Ачин туманида ўтказилган. Жами 21 жангари, жумладан, уларнинг бошлиқларидан бири ўлдирилган, ўнлаб террорчилар яраланган. Шунингдек, авиаҳужум чоғида жангариларга тегишли бўлган ўқ-дорилар ва портловчи моддалар йўқ қилинган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)